ANIMATU ZUBIPERA

Larunbata, 18 Otsaila 2017 11:47
22 cdhernani
Argazki hau uztailaren azken astekoa da, aurredenboraldiko lehenengo entrenamendukoa. 7 hilabete pasa dira, eta asteburu honetan talde honek Jubenile

ANIMATU ZUBIPERA

Larunbata, 18 Otsaila 2017 11:47
22 cdhernani

Argazki hau uztailaren azken astekoa da, aurredenboraldiko lehenengo entrenamendukoa.

7 hilabete pasa dira, eta asteburu honetan talde honek Jubenilen Ohorezko Mailara (Estatuko lehehengo mailara) igoera lor dezake.

Jubenilen Liga Nazionala > Gaur, 16:30etan Zubipen:

CDHernani - Futbola - Beasain Kirol Elkartea

SARRERA DOANIK!!! ANIMATU ZUBIPERA!

Aupa mutilak!! 

16730526_1203201276400177_9106778259413596290_n.jpg

 

GOIAN BEGO "PITER"

Osteguna, 12 Urtarrila 2017 10:38
128 cdhernani
Astelehenean hil zen 83 urte zituela, Pedro García Ortiz "Piter", urte askotan Txantxillako zelaian gure kontserjea izandakoa.
 
Klubetik gure doluminik beroenak eskaini nahi dizkiogu familiari eta pertsona on eta langile bezala gogoratzen dugu.
 
Goian bego.
 
Argazkian, zutik, eskubitik hasita lehena.IMG-20170112-WA0001.jpg

HERNANIKO KIROL SARIAK ASTEARTEAN

Ostirala, 23 Abendua 2016 15:05
151 cdhernani

Datorren asteartean sariak emango zaizkie 2016. urtean kirolari eredugarri izan diren hernaniarrei. Arratsaldeko 18:30etan kirol festa ospatuko da Hernaniko kiroldegian eta bertan izango dira Igor Genua Hernaniko errugbi taldeko jokalaria, Amaia Irazustabarrena eta Maider Huizi paleta gomako jokalariak, eta Inaxio Sanz eta Joxe Zuza mendizaletasuna pizteko lanean arituak.

ibilbidea

 

Hiru sari banatuko dira. Gizonezko kirolarien saria Genuak jasoko du: Rio 2016ko Joko Olinpikoetan hartu zuen parte Espainiako errugbiko selekzioarekin. Palariak ere ez dira atzean gelditzen eta emakumezko kirolariena hauek jasoko dute; Irazustabarrena eta Huizi Munduko txapeldunordeak dira 22 azpiko mailan. Azkenik, kirol ibilbidearen saria Inaxio eta Joxe mendizaleak jasoko dute. Aspaldidanik dira CD Hernaniko bazkideak eta hauek ere omenduak izango dira hilaren 27an.

 

Giro ezinhobea izango da eta omenaldi polita espero da; urtea amaitzeko ekitalde ezinhobea. Anima zaitezte!

igor genua
 

amaia


 

 

 

 

 

 

 

Kadete Honor mailara igotzeko fasera

Larunbata, 17 Abendua 2016 10:16
169 cdhernani

Xenki Astiazaranek eta Aitor Ortizek entrenatzen duten 1. Kadeteko taldea, Kadete Honor mailara igotzeko fasera sailkatu da. Esan beharra dago talde honetan dauden jokalari gehienak kadete mailan lehenego urtez ari direla, honek meritu gehiago ematen dio taldeari. Fase berri honetan, probintzia osotikan ibili beharko dira partiduak jolasten, kasu gehienetan bigarren urteko kadeteen aurka. Klubetikan zuen meritua eta lana eskertu nahi da.

 

Zorionak!

 

 

image1.JPG

TXARTEL GORRIA EMAKUMEENTZAT

Osteguna, 08 Abendua 2016 10:14
251 cdhernani

logoa.png

TXARTEL GORRIA EMAKUMEENTZAT

«Ikusleek telebista piztu bezain laster gizonezkoen kirolarekin topo egiten dute. Emakumeen kirola ikusteko, aldiz, mugitu egin behar dira, bilatu egin behar dute»

 

Irati Azkarate, Maria Irulegi, Andrea Isasa, Lide Serrano, Donostia

 

Jauzia inon antzematen bada, diskriminazioa inon bada nabarmena, emakumeen kirolean da. Gaur egun, emakume eta gizonen arteko berdintasunak bide handia egin duen arren (ekonomian, politikan, gizartean eta abarretan), zenbait esparrutan emakumeen presentzia itzalean mantentzen da. XXI. mendean bete-betean gauden honetan, sistema patriarkatuaren oinarriek diraute, eta arlo gehienetan emakumea beti gizonaren azpian geratzen da.  Kirolean beste esparrutan baino nabarmenagoa da gizonezkoen eta emakumezkoen arteko aldea eta hedabideak arretaz aztertuz gero, aise antzeman daitezke jokaera sexistak. Horretaz jakitun, Eusko Jaurlaritzak Hedabideek ez dute islatzen emakumeek egiten duten kirol kantitatea eta kalitatea izenburupean ikerketa bat gauzatu du kirolaren esparruan hedabideek egiten duten diskriminazioa islatzeko. Eta ondorioa argia izan da: aurrerapausoak egon diren arren, ez da mekanismo eraginkorrik sortu emakumeek egiten duten meritua aditzera emateko. 

 

Geroz eta emakume kirolari gehiago dauden arren, kirol femeninoak medioetan leku gutxi izaten jarraitzen du. Aurreko baieztapena ondorioztatzen du Eusko Jaurlaritzak 2015eko otsailaren 19an argitaratutako ikerketak. Azterketa hori 2013-2014 bitarteko denboraldian Eusko Jaurlaritzako Gazteria eta Kiroletako zuzendaritzak gauzatua da; lau hilabetetan zehar egin zen azterketa, hilabete bakoitzean aste oso bat jarraian (7 egun) kontuan izanda.

Ikerketak emakumeen kirolak euskal prentsan duen presentzia azaltzen du. Ikerketa hori egiteko hamar egunkarietako kirol informazioa hartu zen kontuan: batetik, informazio orokorreko zortzi egunkari (Berria, Deia, Diario Vasco, Diario de Noticias de Álava, El Correo de Álava, El correo de Bizkaia, Gara eta Noticias de Gipuzkoa), eta bestetik, bi kirol egunkari (Mundo Deportivo eta Marca).

 

 Denboraldi horretan kirolaren inguruko 15.655 informazio argitaratu ziren: albisteak, erreportajeak, elkarrizketak eta argazki-albisteak. Horietatik 339 ez dira ez emakumeen ez gizonezkoeen kirolari buruzkoak, gai orokorragoei buruzkoak baizik. 15.316 berri dira konkretuki emakumezkoen eta gizonezkoen kirolari buruz aritzen direnak. Horietatik guztietaitk %4,96  informazio soilik argitaratzen dira emakumezkoen kirolaren inguruan eta, horren aldean, %91,44 gizonezkoen kirolari buruzkoak dira.

Diskriminazio hori atalka ere nabarmendu daiteke. Azalarekin hasita, esan beharra dago 2013-2014 denboraldian 632 kirol albiste izan direla egunkarien azaletan. %95,89ak ez du emakumeen kirola aipatu ere egiten, soilik %4,11ak. 1.280 titulu eskaini zaizkie emakumeei, baina %73,5 titularrek ez dute argi azaltzen emakumeari buruzko albisteak direla. 

 

Berrien hedadura kontuan hartzen badugu, emakumeen kirolari buruzko albiste gehienak laburrak dira; izan ere, %3,6k hartzen dute soilik orrialde osoa eta bakarrik %16,2 azaltzen dira orrialdeko albiste nagusi gisa. Lurraldetasuna kontuan hartzen badugu azpimarragarria da emakumezkoen kirolari buruzko 1.280 albisteetatik erdiak Euskal Autonomia Erkidegoko kirolariak eta kirol elkarteak aipatzen dituela; %35ek estatuko mailan dauden kirolariei buruz hitz egiten du eta %15a soilik dira nazioartekoak.

 

Argazkiei dagokienez, 1.280 informaziotatik 602k soilik dute argazkia, eta horietatik 386etan soilik ageri da emakume kirolariren bat. Hortaz, aurreko baieztapena kontuan hartuta esan daiteke emakumezkoen kirola ematen duten hiru berrietatik batek bakarrik ematen duela emakumezkoaren irudia.

 

Estereotipoak

 

Ez kantitateaz bakarrik, kalitateaz ere hitz egin beharra dago. Transmititzen den emakume kirolarien irudia estereotipatua da. Kirol femeninoak komunikabideetan agertzea lortzen duenean, aurre egin behar dio hizkera sexistari. Komunikabideek emakume kirolariei beren izenagatik eta gizonezkoei abizenagatik deitzeko ohitura dute; modu horretan, emakumeari emakumea izateagatik baloratzen zaio, eta ez kirolaria izateagatik. Familia ere hainbat alditan aipatzen da kirol femeninoari buruzko albisteetan. Gizonenetan, aldiz, bizitza profesionalaz aritzen dira.

 

Horrez gain, emakumeak protagonista diren informazioetan edukiak ez du kirolarekin zerikusirik. Apaintasuna, feminitatea, fisikoaren inguruko aipamenak eta paternalismoa izaten dira mintzagai. Adibidez, erabiltzen dituzten kirol jantziez hitz egiten da, egiten dituzten entrenamenduez edo beren lorpenez aritu beharrean. Gehiago dira kirolari plantak egiten azaltzen diren modeloak eta egiazko kirolariei komunikabideetan postua kentzen dietenak. Ez du inporta kirolariak diren ala ez diren. Hedabide batzuetan, ohikoa da kirol informazioarekin batera biluzik edo oso arropa gutxirekin dauden emakumeen irudiak agertzea. Azken batean hemendik ondorioztatzen da emakumeak ez direla aintzat hartzen kirolari bezala; itxurari, gorputzari, daramaten arropari… orokorrean esanda, kirolarekin zerikusirik ez duten gauzei ematen zaiela garrantzia. 

Adostasuna eta aldarrikapenak

Olatz Santanak, Realeko futboleko jokalariak, estatistikak baieztatzen ditu: «Emakumezko kirolaren jarraitzaileak ez dira iristen  gizonezkoen %2ra». Hernaniarrak uste du medioei ez zaiela errentagarri agertzen emakumeen kirola telebisatzea edo publikatzea, jendea ez delako ikustera animatzen: «Irakurle edo ikusleek mutilen kirola ikusi nahi badute medioek hori erakutsiko dute eta, hortaz, emakumeak bigarren plano batean geratzen gara». Hedabideen helburuetako bat da saltzea eta etekin ekonomikoa ateratzea, eta gizonezkoen kirolak etekina ematen badie, hori publikatuko dute. Atezainak adierazi du alderantziz izango balitz, hau da, hedabideek emakumeen kirolarekin zerikusia duten albiste edo gai gehiago publikatuko balituzte, emakumeen kirolak gora egingo lukela: «Hedabideek indar handia dute eta nahi izanez gero horretan lan gehiago egin dezakete». 

Garazi Lekunberrik atletismoko korrikalariak, aldiz, aditzera eman du diskriminazio hori ez dela soilik kiroleko auzia: «Gizartean rol banaketa dago eta banaketa horretan gizonei ematen zaie beti lehentasuna». Ez kirolean bakarrik, gizarteko beste esparru guztietan emakumeek jasotzen duten garrantzia txikiagoa dela pentsatzen du. 

 

Gauza bera gertatzen da komunikabideetan ere. Emakume kirolariek gizon kirolariek baino presentzia gutxiago edukitzea gizartetik datorren arazoa da: «Komunikabideak gizartearen isla dira eta gizartean beti gizonek dute lehentasuna, haien lorpenak gehiago baloratzen dira». Komunikabideei lotuta, gai garrantzitsua atera du harira. Telebistan emakumeen kirolaren inguruko eskaintza oso urria dela dio Lekunberrik, eta horrek ikusleek gizonezkoen kirola ikusteko ohitura hartzea dakarrela: «Ikusleek telebista piztu bezain laster gizonezkoen kirolarekin topo egiten dute. Emakumeen kirola ikusteko, aldiz, mugitu egin behar dira, bilatu egin behar dute. Kontua ez da interes falta, kontua da bata bestea baino errazago eskuratzen dela».

Amaia Erbinak, Ordiziako Espainiako Errugbi Selekzioko jokalariak, 19 urterekin Brasilgo 2016. urteko Brasilgo Olinpiar Jokoetan jokatu du. 5 urte zituenetik  Ordiziako mutilen taldean jokatu zuen 16 urte bete zituen arte; adierazi du beti ondo hartua izan dela jendartean eta ez duela sekula arazorik eduki emakumezkoa izateagatik kirol munduan sartzeko. Hala ere, errugbian sartzeko «oztopoak edo mugak» jasan dituzten emakumezko jokalari asko ezagutzen dituela aitortu du.  Erbinak Santanaren antzeko ikuspuntua du; izan ere, bere ustez, hedabideei dagokie hein handi batean kirol femeninoa ikusteko joera hain baxua izatea, edozein formatutako komunikabideak hartuz gero, besteak beste, telebista, irratia, prentsa idatzia edota sare sozialak, oso argi ikusten baita emakumezkoek ginozkoen aurrean ez dutela zeresanik. Aldi berean, aipatu du urteak atzera eginez gero, begibistakoa dela egun emakumezkoek geroz eta presentzia eta botere gehiago dutela kirolaren munduan, nahiz eta oraindik orekarik ez egon. Desberdintasun horrekin  amaitzeko, emakumezkoen kirolari ikusgarritasun handiagoa eman behar zaiola  eta hori egiteko tresna baliotsuena medioak direla dio.  «Aldizkari bateko albiste nagusia gizonezko futbolari baten “look” aldaketa izatea eta horren azpian letra txikiagoarekin bigarren mailako berria Carolina Marin badmintoneko munduko txapelduna izan dela jartzea» tamalgarria iruditzen  zaio jokalariari.

 

Santanak ere gai garrantzitsu bati heldu dio: gizonezkoen eta emakumezkoen kirolak erakusten dituzten balioak. Gizonezkoetaz hitz egin eta honakoa esan du: «Bakoitzak bere helburu eta metak ditu, baina dirua tartean sartzen denean, helburu horiek aldatzen dira». Nesketan, aldiz, helburuak dituzten arren, indibidualismo hori ez dagoela adierazi du, eta ez dela protagonismoa bilatzen: «Ez naiz inoiz mutilen aldagela batean egon partida baten aurretik eta ez dakit zer giro egoten den, baina nire esperientzia pertsonalagatik badakit emakumeen kirolak talde lana eta kooperatibismoa transmititzen duela». 

Hala ere, futbolariak argi utzi du emakumeen kirolak eboluzioa izan duela: «Nik uste dut orain bizitzen ari garenak honengatik egin behar dugula lana, gero datozen guztiengatik, aurretik borroka egin dutenengatik eta guregatik»; «Gure aurretik lana egin dutenengatik eman da aurrerapausoa eta horregatik jarraitu behar dugu lanean», gehitu du.

Lekunberrik ere ez du ukatzen kirolak izan duen eboluzioa eta azpimarratu du gaur egun emakumeen kirola duela urte batzuk baino askoz ere normalizatuagoa dagoela. Hala ere, oraindik beste mota bateko erronkak daudela pentsatzen du. Bere kasuan, kirol munduan sartzeko arazorik izan ez duen arren, kirol munduan nahi duen moduan aritzeko ez dela guztiz askea izan esan du. Adibidez lasterketetan kulero eta top batekin aritu behar du eta behartuta dago hori janztera. «Gainera, albisteetan lorpenez hitz egin beharrean, arropa horien eta kirolarien gorputzaren inguruko iruzkin sexualak egiten dira komunikabideetan», gehitu du atletismoko korrikalariak. 

 

Aipatzekoa da diskriminazioa ez dela soilik emakume jokalarien artean gertatzen, kirol munduko edozein roletan ematen dira genero femeninoarekiko diskriminazioak. Horren adibide garbia da Alba Rodriguezena.  Rodriguez 21 urteko emakumea, itxuraz gazte apain eta oso femeninoa da. Jendea harritu egiten da futboleko jokazaina dela jakitean.

 

Jokazainaren ustez, orokorrean gizarteak kirola gizonezkoentzat dela eta hori modu batera ulertzea oso zaila egiten zaigula uste du. Arbitro lanetan daraman azken 3 urteetan irain ugari jaso ditu. Jazarpen hori dela eta, Rodriguezek sarritan pentsatu du lana uztea, baina ez dago etsitzeko prest, «utziz gero arrazoia ematen arituko bainintzateke, emakumea izateagatik ez dudala ezertarako balio, sexu ahula naizela, eta hori ez da inolaz horrela», aladarrikatzen du.

 

CDHernaniren konpromisoa

 

Hernaniko futboleko sailaren historian lehen aldiz emakumeen lehenengo taldeak ez du kuotarik ordainduko. Duela urte batetik abian da berdintasun programa bat; helburua gizonezko eta emakumezkoen arteko oreka bilatzea da.

 

Emakumezkoen lehen taldeak orain arte egin ez dena lortu du. Ez da lan erraza izan, baina klubetik pasa diren emakume guztien lanarekin bi sexuen arteko berdintasunera iritsi dira. Kasu honetan, berdintasun programaren puntuetako bat bete dute: gizonezkoen moduan, emakumeek ere ez ordaintzea.

 

Kluba sortu zenean inork ez zuen kuotarik ordaintzen futbolean jokatzeko. Are gehiago, materiala (botak eta entrenatzeko arropa) doakoa zen jokalarientzat. Hala ere, denborak aurrera egin zuen heinean talde gehiago sortu ziren eta hauen mantenua handiagotu zen. Guztiak mantentzeko aurrekonturik ez zegoenez, federatzen zen jokalari bakoitzak diru kopuru bat ordaintzeko erabakia hartu zen. Talde guztiek egin beharko zuten esfortzu ekonomikoa futbolera jokatu ahal izateko. Guztiek, batek izan ezik: gizonezkoen lehen taldea salbuespena izan da orain arte.

 

Hernani herriko inguruko dendak eta sagardotegiak klubeko maila altuenean dagoen mutil taldearen babesle izan nahi dute. Horrela, gizonezkoek badute nahikoa aurrekontu beren gastuak babesteko eta ez dute beharrik beren poltsikotik ezer ordaintzeko. Emakumeen kasuan, ordea, zaila da babesle bat aurkitzea eta denda edo taberna batek nahi izanez gero, eskainitakoa ez da nahikoa eta beharrezkoa dute diru kopuru gehigarri bat.

 

Hernaniko klubeko futbol sailaren zuzendaritza berriarekin  aurrerapauso handiak eman dira. Egun, emakume bakar bat dago zuzendaritzan eta positiboa dela dio Euskal Ligako Andrea Isasa jokalariak: «Lehen aldiz klubeko zuzendaritzan gure sexua ordezkatzen duen pertsona bat egoteak asko pozten nau; ez dut gizonezkoen lana alde batean utzi nahi, baina gure eskubideak modu ezberdinean defendatuko direla uste dut».

 

Berdintasun programa martxan jarri denetik klubeko lehenengo bi taldeek (emakumezkoak eta gizonezkoak) ez dute federatuta egoteagatik ordaintzen. Programa bi sexuentzat izan da positiboa, ez soilik neskentzat. Izan diren beste aldaketen artean hurrengoa dago: mutilek gaueko zortzietan entrenatzeko esfortzua egiten zuten lehen eta orain neskek ere ahalegin hori egin beharko dute. 

TWITTER CDHERNANI

Kontaktua

  • Zubipe futbol zelaia, Florida auzoa z/g. Hernani (Gipuzkoa)
  • 943 336 012
  • info@cdhernani.com